Nöldurseggur

Voðalegt er þetta, fólk getur aldrei verið ánægt. Er lækkun á stýrivöxtum í 10% t.d. ekki betri en engin lækkun eða jafnvel hækkun!!

Hvað veit hann um það?

Hann vissi ekki einu sinni að bankarnir myndu falla. Hvernig ætti hann að geta spáð betur um styrkingu krónunnar en aðrir?

Krónan mun styrkjast

Frábærar fréttir

Eftir að hafa séð Evu Joly í Silfri Egils og kynnt mér aðeins feril hennar er ég sannfærð um að hún er rétta manneskjan til að hjálpa okkur við að rannsaka hrunið. Við kunnum ekkert á þetta sjálf og þurfum einfaldlega hjálp frá góðu fólki. Hún er ein af því.

Eva Joly sérstakur ráðgjafi

Nýtt upphaf

Núna erum við að upplifa sögulega tíma, og þá er ég ekki bara að tala um kreppuna. Í nótt tekur Barac Obama við sem 44. forseti Bandaríkjanna og það er út af fyrir sig stórmerkilegt. Hér í Danmörku er búið að sýna nokkra heimildaþætti um hann og þar kemur fram að Obama er afburðaklár náungi.  Ungur, þeldökkur maður er á leiðinni í Hvíta húsið.

Obama minntist King

Gleðileg jól

Kæru vinir og ættingjar.

Við óskum ykkur öllum gleðilegra jóla og farsældar á komandi ári. Vonum að komandi ár verði ykkur öllum gæfu- og gleðiríkt. Þökkum það liðna og sjáumst hress og kát

Jólakveðjur frá Kaupmannahöfn.

 

Já, ráðherra!

Ég held að hann Björgvin greyið sé ekkert betri en ráðherrann í þáttunum Já, ráðherra. Hann veit bókstaflega ekkert í sinn haus. Maðurinn er bankamálaráðherra og ætti að vera vel inni í öllu sem snýr að bönkunum ekki síst núna á þessum síðustu og verstu tímum. En ... hann kemur af fjöllum í hvert sinn sem minnst er á banka við hann. Bank, bank Björgvin! Vaknaðu og farðu að sinna starfi þínu - ef þú værir í almennilegri vinnu væri löngu búið að reka þig.

Björgvin vissi ekki um KPMG fyrr en í gær

Bestu fréttir vikunnar

Fyrir mig, búandi í Danmörku, sem þarf að skipta íslenskum krónum í danskar fyrir framfærslu, þá eru þetta frábærar fréttir. Það er hrikalegt að borga meira en 25 kall fyrir krónuna - líkt og undanfarið Við erum búin að segja upp leigunni á íbúðinni því krónan er búin að fara úr 13 í 25 síðan við ákváðum að flytja út. Það er bara ekki hægt að borga sem samsvarar meira en 350 þúsund íslenskar í leigu!! Fyrir 4 herbergja blokkaríbúð. Það er heldur ekkert grín að kaupa í matinn hér sé miðað við íslenska gengið. Ég keypti t.d. alíslenskt lýsi á 40 dkr. sem er sama og 1000 íkr. Ég efast um að lýsisflaskan heima sé komin upp í þúsundkallinn. Svo að bottomlænið er: þetta má vera feik og vitlaus skráning en á meðan ég get keypt íslenskar krónur á þessu gengi þá skála ég fyrir því. Í dönskum Turborg.  

Evran kostar 160 kr.

Háir skattar

Í Danmörku eru svakalega háir skattar á bílum og allt gert til að fólk noti bíla sem minnst. Ef maður flytur bíl inn til Danmerkur þarf maður að borga meira en 60% af áætluðu söluverði hans í skatta. Þess vegna ætla danskir bílasalar ekki að flytja inn bíla frá Íslandi - ekki af því að þeir hafi ekki áhuga heldur af því að það borgar sig ekki fyrir þá.

 

Hafa ekki áhuga á bílum frá Íslandi

Þetta er óborganlega fyndið

 http://www.dv.is/frettir/2008/12/3/hissa-vinsaeldunum/

 

Góðar fréttir

Þetta eru góðar fréttir - öfugt við það sem margir hafa spáð, þ.e. að krónan myndi falla enn meira. Vonandi heldur þetta áfram að mjakast í þessa átt á næstunni.

Krónan styrkist um 1%