Bestu fréttir vikunnar

Fyrir mig, búandi í Danmörku, sem þarf að skipta íslenskum krónum í danskar fyrir framfærslu, þá eru þetta frábærar fréttir. Það er hrikalegt að borga meira en 25 kall fyrir krónuna - líkt og undanfarið Við erum búin að segja upp leigunni á íbúðinni því krónan er búin að fara úr 13 í 25 síðan við ákváðum að flytja út. Það er bara ekki hægt að borga sem samsvarar meira en 350 þúsund íslenskar í leigu!! Fyrir 4 herbergja blokkaríbúð. Það er heldur ekkert grín að kaupa í matinn hér sé miðað við íslenska gengið. Ég keypti t.d. alíslenskt lýsi á 40 dkr. sem er sama og 1000 íkr. Ég efast um að lýsisflaskan heima sé komin upp í þúsundkallinn. Svo að bottomlænið er: þetta má vera feik og vitlaus skráning en á meðan ég get keypt íslenskar krónur á þessu gengi þá skála ég fyrir því. Í dönskum Turborg.  

Evran kostar 160 kr.

Athugasemdir

[Sólveig Kristín Gunnarsdóttir, 13.12.2008 kl. 22:39]

Den danske nationalbank segir nú ad danska krónan kosti ca. 38 íkr. Hann fylgir evrópubankanum náid. Efast fastlega um ad danskir bankar versli med íslenskar krónur.