Öðruvísi leikskóli

Óhætt er að segja að leikskólinn sem strákarnir eru í sé nokkuð ólíkur því sem við eigum að venjast. Utan frá séð gæti maður t.d. vart ímyndað sér að húsið sé leikskóli. Það er eins og hver önnur blokk. Á Íslandi sjást leikskólar langar leiðir. Leiksvæðið er á stærð við frímerki og það eru þarf að slá inn leynikóða til að komast inn í húsið og líka garðinn. Í kjallaranum er hjóla- og vagnageymsla en ég held að slíkt sé vart að finna á Íslandi. Stundum finnst mér þetta allt ferlega skrítið en þetta venst, eins og flest annað.

Athugasemdir

[Guðný frænka (IP-tala skráð) 8.11.2008 kl. 12:57]

Blessuð og sæl. Já það er sko stór munur á skólum og leikskólum hér og í DK. Á Íslandi eru skólar, leikskólar og opinberar byggingar mynnisvarðar arkitektanna sem hanna þær!!.. Börnum líður örugglega betur á leiksk. sem er með miljóna röndótta álklæðningu en bara venjulegu húsi. Ertu ekki sammála??!! Kv Guðný frænka

[sigrún Fjóla Hilmarsdóttir (IP-tala skráð) 10.11.2008 kl. 17:41]

er ekki alveg að fatta þennan leikskóla. eru þeir úti í skógi allan daginn drengirnir

[Steinvör (IP-tala skráð) 13.11.2008 kl. 00:26]

Mikilvægast er að krakkarnir séu ánægðir. Eru þau ekki farin að tala dönsku ?  Stelpurnar mínar eru ánægðar á sínum stöðum, leikskóla og dagmamma. Kristín er mjög spennt yfir afmælinu sínu og eins gott að halda á það með pomp og pragt. Hún er búin að bíða svo lengi, mjög erfitt að vera svona seint á árinu.  Knús til ykkar allra, bestu kveðjur, Steinvör.